يعلن التليفزيون المصري عن حاجته لمراسلين علي أن تتوفر فيهم الشروط الآتية
1_ كداب كدب الإبل : بحيث لما عسكري ياكل مواطن بالقلم ينقل الخبر علي ان المواطن ضرب العسكري بوشه علي ايده يا سعادة البيه
...
2_ خياله خصب تنين : ولا اسامة أنور عكاشة ف زمانه .. بحيث يصور الشرطة علي انها تعامل المتظاهرين بالرفق واللين والهوادة والمحبة والأبوة .. مش عاوز دي في دي كمان !!
3_ قلبه قلب خساية : بحيث انه يناشد المواطنين الشرفاء العودة لمنازلهم والحرص علي مستقبل الوطن والثورة والجماهير العريضة .. والإمبريالية والتوسعية
التوسعية من التوسع .. والإمبريالية من الأمبرة
الشعب المصري دا فعلا مبيعجبوش العجب
نصدر الغاز لاسرائيل يعملوا مظاهرات .. ندي كل مواطن الغاز بتاعه يشمه برضه مش عاجب!!
يعني ايه تليفزيون مصري؟
يعنى إنك تقدر تقنع الناس ان واحد أخرس بيقول لواحد أطرش ان فى واحد أعمى شاف واحد مشلول بيجرى ورا واحد اصلع بيشد فى شعره
و يصدقوك
أثبتت التقارير ان في تغيير بعد الثورة
.
.
.
.
.
خطاب المشير كان بيتصور ب 2 كاميرا غير المخلوع كان بكاميرا واحده و في حركات وشوية من الكاميرا 1 وشوية من الكاميرا 2
ده كان ناقص يجيب كاميرا يكشف بيها الاوفسايد
تلاته متغيروش من بعد الثورة:
الشرطة ,
التلفزيون المصرى ,
الكائنات اللي بتقول: منكوا لله خربتوا البلد
